Cofnodion - Y Pwyllgor Busnes

Lleoliad:

Video Conference via Zoom

Dyddiad: Dydd Mawrth, 30 Ionawr 2024

Amser: 09.01 - 09.21

Preifat

------

Yn bresennol

Categori	Enwau
Aelodau’r Pwyllgor:	Elin Jones AS, Llywydd (Cadeirydd) Heledd Fychan AS Lesley Griffiths AS Darren Millar AS
Staff y Pwyllgor:	Graeme Francis (Clerc) Yan Thomas (Dirprwy Glerc)
Eraill yn bresennol	Jane Dodds AS David Rees AS, Y Dirprwy Lywydd Manon Antoniazzi, Prif Weithredwr a Chlerc y Senedd Siwan Davies, Dirprwy Brif Weithredwr a Chlerc a Chyfarwyddwr Busnes y Senedd Bethan Davies, Pennaeth Gwasanaeth y Siambr a Phwyllgorau Julian Luke, Pennaeth Pwyllgorau Polisi a Deddfwriaeth Helen Carey, Llywodraeth Cymru

<AI1>

1 Cyflwyniadau, ymddiheuriadau a dirprwyon

Croesawodd y Llywydd yr Aelodau i’r cyfarfod.

</AI1>

<AI2>

2 Cofnodion y cyfarfod blaenorol

Cytunwyd ar gofnodion y cyfarfod blaenorol i’w cyhoeddi

</AI2>

<AI3>

3 Trefn Busnes

</AI3>

<AI4>

3.1 Busnes yr wythnos hon

Dydd Mawrth

· Caiff y Cyfnod Pleidleisio ei gynnal fel yr eitem olaf o fusnes.

· Nid yw'r Cyfarfod Llawn yn debygol o fynd y tu hwnt i 19:15.

Gofynnodd Darren Millar a Heledd Fychan am ddatganiad llafar ar Fferm Gilestone yn dilyn y datganiad ysgrifenedig a gyhoeddwyd ar 29 Ionawr. Nododd y Trefnydd y byddai'r Llywodraeth yn ystyried y cais.

Dydd Mercher

Rhoddodd y Llywydd wybod i’r Rheolwyr Busnes am y newidiadau a ganlyn:

· Dadl ar adroddiad blynyddol y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol ar Gysylltiadau Rhyngwladol 2022-23 (60 munud) Gohiriwyd tan 28 Chwefror

· Dadl ar adroddiad y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol: Yr heriau sy’n wynebu gweithlu’r diwydiant creadigol yng Nghymru (60 munud) Ail-drefnwyd o 24 Ionawr

· Caiff y Cyfnod Pleidleisio ei gynnal cyn y Ddadl Fer.

· Nid yw'r Cyfarfod Llawn yn debygol o fynd y tu hwnt i 19:50.

</AI4>

<AI5>

3.2 Amserlen busnes y Llywodraeth ar gyfer y tair wythnos nesaf

Rhoddodd y Trefnydd wybod i’r Rheolwyr Busnes am y newid a ganlyn i amserlen busnes y Llywodraeth ar gyfer y tair wythnos nesaf:

Dydd Mercher 20 Chwefror 2024

· Datganiad gan y Gweinidog Cyfiawnder Cymdeithasol a’r Prif Chwip: System a Siarter Budd-daliadau Cymru (30 munud)

</AI5>

<AI6>

3.3 Amserlen busnes y Senedd ar gyfer y tair wythnos nesaf

Cytunwyd ar yr ychwanegiadau a ganlyn i amserlen busnes y Senedd ar gyfer y tair wythnos nesaf:

Dydd Mercher 28 Chwefror 2024 –

· Dadl ar adroddiad blynyddol y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol ar Gysylltiadau Rhyngwladol 2022-23 (60 munud) Ail-drefnwyd o 31 Ionawr

· Amser a neilltuwyd i’r Ceidwadwyr Cymreig (60 munud)

· Amser a neilltuwyd i Blaid Cymru (60 munud)

· Dadl Fer: Mark Isherwood (Gogledd Cymru) (30 munud)

</AI6>

<AI7>

4 Deddfwriaeth

</AI7>

<AI8>

4.1 Cyfnod 2 Bil Senedd Cymru (Aelodau ac Etholiadau): dyrannu slotiau cyfarfod

Trafododd y Pwyllgor Busnes ddyraniad slotiau cyfarfod i Bwyllgor o’r Senedd Gyfan ar gyfer trafodion Cyfnod 2 Bil Senedd Cymru (Aelodau ac Etholiadau), pe bai’r cynigion perthnasol yn cael eu cytuno ar 30 a 31 Ionawr.

Yn dilyn trafodaeth, ar ôl i Darren Millar fynegi pryderon ynghylch cynnal trafodion Cyfnod 2 ar yr un diwrnod â’r ddadl ar Gyllideb Derfynol 2024-25, cytunodd y Pwyllgor Busnes i ddyrannu slot i Bwyllgor o’r Senedd Gyfan ar ôl i’r Cyfarfod Llawn ddod i ben ar 5 Mawrth a 6 Mawrth ar gyfer trafodion Cyfnod 2 y Bil.

Nododd y Trefnydd y byddai busnes y Llywodraeth ar 5 Mawrth yn cael ei gyfyngu at yr eitemau hanfodol.

Hefyd, cytunodd y Pwyllgor ar y camau a ganlyn:

· y byddai busnes anllywodraethol yn y Cyfarfod Llawn ddydd Mercher 6 Mawrth yn cael ei gyfyngu at Gwestiynau i Gomisiwn y Senedd, Cwestiynau Amserol, Datganiadau 90 Eiliad a'r Ddadl Fer;

· i ystyried yn nes at yr amser a ddylai’r Cyfarfod Llawn ddechrau’n gynharach ar naill ai 5 neu 6 Mawrth, neu’r ddau;

· dyrannu slot cyfarfod i Bwyllgor o'r Senedd Gyfan yn syth ar ôl y Cyfarfod Llawn ar 20 Chwefror at ddibenion trafod unrhyw gynnig a gyflwynir gan y Llywydd fel Cadeirydd y Pwyllgor o'r Senedd Gyfan mewn cysylltiad â threfn ystyried trafodion Cyfnod 2 y Bil.

</AI8>

<AI9>

4.2 Y wybodaeth ddiweddaraf am Femoranda Cydsyniad Deddfwriaethol

Cytunodd y Pwyllgor Busnes i gyfeirio'r Memorandwm Cydsyniad Deddfwriaethol ar y Bil Masnach (Cytundeb Cynhwysfawr a Blaengar ar gyfer Partneriaeth Traws-Môr Tawel) at Bwyllgor yr Economi, Masnach a Materion Gwledig a'r Pwyllgor Deddfwriaeth, Cyfiawnder a'r Cyfansoddiad i graffu arno, gyda dyddiad cau o 15 Mawrth 2024 ar gyfer cyflwyno adroddiad.

</AI9>

<AI10>

5 Pwyllgorau

</AI10>

<AI11>

5.1 Llythyr gan Gadeirydd y Pwyllgor Deisebau yn gwneud cais am slot ar gyfer dadl

Cytunodd y Pwyllgor Busnes i’r cais i gynnal dadl ar ddeiseb P-06-1367 Dylid ariannu gwaith i symud creigiau chwarel ac adfer tywod a grwynau i Lannau Gogledd Llandudno, ac i'r ysgrifenyddiaeth gytuno ar ddyddiad addas ar gyfer y ddadl hon gyda'r Pwyllgor Deisebau.

</AI11>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>